Топтоо булактарына семинар

Бишкек шаардык мамлекеттик архиви топтоо булактарына толук маалымат берүү максатында Архив агенттигинин жыйындар залында 2019-жылдын 13-мартында саат 10.00дө жана 14.00дө, 14-мартта саат 10.00дө «Кыргыз Республикасынын «Бузуулар жөнүндө» Кодексинин архив тармагына тиешелүү беренелери» жана «Улуттук архив фондуна кире турган документтердин талапка ылайык түзүлүшүн, сакталышын, пайдаланышын камсыздоо» темаларында 3 семинар болуп өттү.

Семинардын катышуучулары менен кенен пикир алышуу болуп, алардын суроолоруна Архив агенттигинин кызматкери, БШМАнын куратору Бектурова Асия Тобокеловна кенен түшүндүрмө берди.

 

Ысык-Көл облустук мамлекеттик архиви тарабынан “Архив мыктысы” облустук кароо-сынагы болуп өттү

“Кыргыз Республикасынын Жогорку Кеңешинин 2016-жылдын 29-июлунда кабыл алынган № 825 токтомун ишке ашыруу боюнча Кыргыз Республикасынын Вице-премьер-министринин 2016-жылдын 25-июлундагы № 13-865/25 тапшырмасын аткаруу максатында Ысык-Көл облустук мамлекеттик архиви тарабынан “Архив мыктысы” облустук кароо-сынагы болуп өттү.

 

“Өрт коопсуздугунун жана техникалык коопсуздуктун белгилери жана багыттагычтары”

2019-жылдын 18-мартында Кыргыз Республикасынын Борбордук мамлекеттик коомдук-саясий документтер архивинин кызматкерлерине Архив агенттигинин Техникалык коопсуздук жана жарандык коргоонун инженери Асылбек Айдаралиев “Өрт коопсуздугунун жана техникалык коопсуздуктун белгилери жана багыттагычтары” аталышындагы темада сабак өтүп, түрдүү өзгөчө кырдаалдар болуп калган учурда кандай аракеттерди жасоо керектигин кеңири айтып берди.

Ал эми жумушка жаңы кабыл алынган кызматкерлерди архив мекемесинде жайгаштырылган өрткө каршы жабдуулар менен тааныштырып, техникалык коопсуздукту кандайча сактоо керектигин түшүндүрдү.

 

Эл аралык эне тил күнү Кыргыз Республикасынын Борбордук мамлекеттик коомдук-саясий документтер архивинде

Кыргыз Республикасынын Борбордук мамлекеттик коомдук-саясий документтери архиви Кыргыз Республикасынын Президентине караштуу мамлекеттик тил боюнча улуттук комиссиясынын демилгесин аткаруу максатында 21-февраль – Эл аралык эне тил күнүнө карата окуу залында “Эне тил – элдин жан азыгы” аталышындагы маектешүү болуп өттү.

 

  “Ар бир элдин тили – адамзаттын жалпы рухий кенчи”  

Ч.Айтматов.

 Кыргыз Республикасынын Борбордук мамлекеттик архивинде 21-февраль Эл аралык эне тил күнүнө карата Кыргыз малекеттик И.Арабаев атындагы университетинин тарых жана социалдык-укук билим берүү факультетинин 3 курсунун студенттерине лекция окулуп жана экскурция өткөрүлдү. Лекциядан студенттер кыргыз тилинин тарыхы жана өнүгүшү боюнча маалымат алышты. Ошондой эле Борбордук мамлекеттик архивинде сакталган жеке фонддордогу архивдик документтерден: - Кыргыз Республикасынын Улуттук илимдер Академиясынын академиги, профессор, тилчи Х.Карасаевдин кыргыз тилинин өнүгүшүнө кошкон салымы жөнүндө угушуп кол жазмаларынан окуп көрүштү, ошондой эле илимпоз, котормочу, Манас таанучу, тилчи Зияш Бектеновдун “Эне тилден гүл десте”, “Кичинекей бөбөктөргө эне тилин үйрөтөлү” деген эмгектери менен жана Кыргыз Эл жазуучусу, академик, Социалистик эмгектин баатыры, Кыргыз Республикасынын Баатыры Ч.Айтматовдун англис, француз, орус тилдеринде чыккан эмгектери менен кеңири таанышышты.