Кыргыз Республикасынын Санариптик өнүктүрүү жана инновациялык технологиялар министрлигине караштуу Архив кызматы
Бишкек шаардык мамлекеттик архивиндеги бош кызмат орундарына конкурс жарыялайт.
Документтердин тапшыруу тизмеси:
- өз колу менен жазган арыз;
- резюме;
- кадрдык жеке баракча;
- сүрөт (3х4) 4 даана;
- паспортунун көчүрмөсү;
- эмгек китепчесинин күбөлөндүрүлгөн көчүрмөсү (бар болсо);
- билим деңгээлин ырастоочу документтердин (дипломдун) күбөлөндүрүлгөн көчүрмөсү;
- өмүр баян;
- сунуштоолор (эгер болсо)
Документтерди кабыл алуу мөөнөтү:
2025-жылдын 11-апрелинен 17-апрелине чейин,
Саат 08:30 – 17:30
- Дареги: Бишкек шаары, Токтогул көчөсү, 105, 2-кабат, 26-кабинет
- Байланыш номери: 62-13-24
Бишкек шаардык мамлекеттик архивине бош орундар
-
№
Кызматы
Саны
Милдеттери
Талаптар
1
Бишкек шаардык мамлекеттик архивинин-инженер-программисти
1
-архивдин техникалык каражаттарынын үзгүлтүксүз иштешин камсыздайт;
-кагаз негизиндеги архивдик документтерди санарип негизине түшүрүү иштерине катышат;
-эсеп документтерин жана илимий-маалымдама аппаратын автоматташтыруу иштерине катышат;
-архивдик фонддордун илимий-маалымдама аппараты жана документтери боюнча иликтөө иштерин аткарат,
-жеке пландык-отчеттук документтерди түзөт, алардын аткарылышын камсыздайт;
-адистик деңгээлин өз алдынча окуп үйрөнүү жана окуу семинарларына катышуу аркылуу жогорулатат;
-өзүнүн иш багыттары боюнча баяндамаларды жана отчеттук маалыматтарды даярдайт.
- 21 жаштан жогору;
- жогорку билим же орто-атайын билим;
2
Чарба башчысы (убактылуу)
1
-архив жайларын өндүрүштүк санитариянын жана өрткө каршы коргоонун эрежелерине жана ченемдерине ылайык архивдин талаптагыдай абалын камсыз кылуу, ошондой эле жабдуулардын (жарыктандыруу, жылытуу системалары, вентиляция ж.б.) ишке жарамдуулугун көзөмөлдөө;
-архив кызматкерлерин эмерек, тиричилик техникасы менен камсыз кылууга, алардын сакталышын көзөмөлдөөгө жана өз убагында оңдоо иштерин жүргүзүүгө;
-чарбалык максаттарга бөлүнгөн материалдардын жана каражаттардын сарамжалдуу пайдаланылышын уюштуруу;
-архивдин аймагын көрктөндүрүү, жашылдандыруу жана тазалоо иштерин жүргүзүү;
-архив жайларды тиричилик курт-кумурскаларынан, кемирүүчүлөрдөн жана башкалардан өз убагында тазалоо боюнча чараларды көрүү;
-функционалдык милдеттерине ылайык архивдин товардык-материалдык баалуулуктарын жана башка мүлкүн сактоону уюштурууга, сакталышын камсыз кылууга, товардык-материалдык баалуулуктардын жана башка мүлктүн сакталышы жана абалы жөнүндө эсепке алууну жүргүзүүгө жана протоколдорду түзүүгө;
-баалуулугу төмөн жана эскирген буюмдарды инвентаризациялоону, эсептен чыгарууну жүргүзүү;
- 21 жаштан жогору;
- жогорку билим;
Билүүсү керек:
- өзүнүн кызматтык ишинде Кыргыз Республикасынын мыйзамдарын так жетекчиликке алат жана өзүнүн кызматтык милдеттерин архив иштери боюнча ченемдик укуктук актыларга, жөнгө салуучу жана жетектөөчү документтерге ылайык аткарат;